سرگودہا (فاروق سلہریا)اگر اس سال تیل کی اوسط قیمت100 ڈالر فی بیرل رہی تو تیل کا کاروبار کرنے والی امریکی کمپنیاں امسال 60 ارب ڈالر سے بھی زائد اٖضافی آمدن بنا سکیں گی۔ گذشتہ ہفتے تیل کی قیمت میں لگ بھگ 47 فیصد اضافہ ہوا اور 70 ڈالر فی بیرل سے قیمت سو ڈالر فی بیرل تک جا پہنچی۔
فنانشل ٹائمز کی ایک رپورٹ کے مطابق، صرف اس مہینے تیل کی قیمتوں کے حالیہ اضافے کی وجہ سے امریکی آئل کمپنیاں 5 ارب ڈالر کا فائدہ اٹھائیں گی۔ یاد رہے، عالمی سطح پر تیل کے کاروبار پر اجارہ داری رکھنے والی پانچ بڑی کمپنیاں البتہ اس جنگ سے نقصان میں رہیں گی کیونکہ ان کمپنیوں کا خلیج کے تیل میں زیادہ حصہ ہے۔
ان پانچ کمپنیوں میں سے دو (ایکس موبل اور شیورن) کا تعلق بھی امریکہ سے ہے جبکہ دیگر تین(شیل، ٹوٹل انرجیز اور بی پی) یورپی ممالک سے تعلق رکھتی ہیں۔اس وجہ سے، فنانشل ٹائمز کے مطابق، اس جنگ سے تمام امریکی کمپنیوں کو فائدہ نہیں پہنچے گا۔
